Senthamil.Org

விழையா

தேவாரம்

விழையா ருள்ளம் நன்கெழு நாவில் 
வினைகெட வேதமா றங்கம் 
பிழையா வண்ணம் பண்ணிய வாற்றல் 
பெரியோ ரேத்தும் பெருமான் 
தழையார் மாவின் தாழ்கனி யுந்தித் 
தண்(மூ)அரி சில்புடை சூழ்ந்த 
குழையார் சோலை மென்னடை யன்னங் 
கூடு பெருந்துறை யாரே. 
 
(மூ) அரிசில் என்பது ஒரு நதி. அது அரிசொல்ல வந்ததினால் 
அரிசொல் நதியென்று கும்பகோணப் புராணத்திற் சொல்லப்படுகின்றது.
விழையா எனத்தொடங்கும் தேவாரம்