Senthamil.Org

விண்ணினார்

தேவாரம்

விண்ணினார் விண்ணின் மிக்கார் 
வேதங்கள் விரும்பி யோதப் 
பண்ணினார் கின்ன ரங்கள் 
பத்தர்கள் பாடி யாடக் 
கண்ணினார் கண்ணி னுள்ளே 
சோதியாய் நின்ற எந்தை 
மண்ணினார் வலங்கொண் டேத்தும் 
மாமறைக் காட னாரே.
விண்ணினார் விண்ணின் மிக்கார் 
வேதங்கள் நான்கும் அங்கம் 
பண்ணினார் பண்ணின் மிக்க 
பாடலார் பாவந் தீர்க்குங் 
கண்ணினார் கண்ணின் மிக்க 
நுதலினார் காமர் காய்ந்த 
எண்ணினார் எண்ணின் மிக்கார் 
இடைமரு திடங் கொண்டாரே.
விண்ணினார் எனத்தொடங்கும் தேவாரம்