Senthamil.Org

விண்ணி

தேவாரம்

விண்ணி லானபிறை சூடுவர் தாழ்ந்து விளங்கவே
கண்ணி னாலனங் கன்னுட லம்பொடி யாக்கினார்
பண்ணி லானஇசை பாடல்மல் குந்திரு வாஞ்சியத்
தண்ண லார்தம்அடி போற்றவல் லார்க்கில்லை அல்லலே.
விண்ணி யங்குமதிக் கண்ணியான்விரி யுஞ்சடைப் 
பெண்ண யங்கொள்திரு மேனியான்பெரு மானனற் 
கண்ண யங்கொள்திரு நெற்றியான்கலிக் காழியுள் 
மண்ண யங்கொள்மறை யாளரேத்துமலர்ப் பாதனே.
விண்ணி றைந்ததோர் வெவ்வழ லின்னுரு
எண்ணி றைந்த இருவர்க் கறிவொணாக்
கண்ணி றைந்த கடிபொழில் அம்பலத்
துண்ணி றைந்துநின் றாடும் ஒருவனே.
விண்ணி னார்மதி சூடிய வேந்தனை
எண்ணி நாமங்கள் ஓதி எழுத்தஞ்சுங்
கண்ணி னாற்கழல் காண்பிட மேதெனிற்
புண்ணி யன்புக லூருமென் நெஞ்சுமே.
விண்ணி னார்பணிந் தேத்த வியப்புறும் 
மண்ணி னார்மற வாதுசி வாயவென் 
றெண்ணி னார்க்கிட மாவெழின் வானகம் 
பண்ணி னாரவர் பாலைத் துறையரே.
விண்ணி எனத்தொடங்கும் தேவாரம்