Senthamil.Org

விண்ணவர்

தேவாரம்

விண்ணவர் தம்மொடு வெங்கதி ரோனனல் 
எண்ணிலி தேவர்கள் இந்திரன் வழிபட 
கண்ணனும் பிரமனும் காண்பரி தாகிய 
அண்ணல்தன் வளநகர் அந்தண் ஐயாறே.
விண்ணவர் கண்டிலர் போலும் வேள்வி யழித்திலர் போலும் 
அண்ணல் அயன்றலை வீழ அன்று மறுத்திலர் போலும் 
வண்ண எலும்பினொ டக்கு வடங்கள் தரித்திலர் போலும் 
பெண்ணினம் மொய்த்தெழு செல்வப் பிரம புரம்அமர்ந் தாரே.
விண்ணவர் தொழுதெழு விசய மங்கையை 
நண்ணிய புகலியுள் ஞான சம்பந்தன் 
பண்ணிய செந்தமிழ் பத்தும் வல்லவர் 
புண்ணியர் சிவகதி புகுதல் திண்ணமே.
விண்ணவர் தொழுதெழு வெங்குரு மேவிய
சுண்ணவெண் பொடியணி வீரே
சுண்ணவெண் பொடியணி வீரும தொழுகழல்
எண்ணவல் லாரிட ரிலரே.
விண்ணவர் மகுட கோடி 
மிடைந்தசே வடியர் போலும் 
பெண்ணொரு பாகர் போலும் 
பேடலி யாணர் போலும் 
வண்ணமால் அயனுங் காணா 
மால்வரை எரியர் போலும் 
எண்ணுரு வநேகர் போலும் 
இன்னம்பர் ஈச னாரே.
விண்ணவர் எனத்தொடங்கும் தேவாரம்