Senthamil.Org

விண்ட

தேவாரம்

விண்ட மாம்பொழில் சூழ்திரு வேற்காடு 
கண்டு நம்பன் கழல்பேணிச் 
சண்பை ஞானசம் பந்தன செந்தமிழ் 
கொண்டு பாடக் குணமாமே.
விண்ட மாமல ரோனும் விளங்கொளி யரவணை யானும் 
பண்டுங் காண்பரி தாய பரிசினன் அவனுறை பதிதான் 
கண்ட லங்கழி யோதங் கரையொடு கதிர்மணி ததும்ப 
வண்ட லங்கமழ் சோலை மாமறைக் காடது தானே.
விண்ட வெண்டலை யேகல னாகவே
கொண்ட கம்பலி தேருங் குழகனார்
துண்ட வெண்பிறை வைத்த இறையவர்
அண்ட வாணர்க் கருளும்ஆ ரூரரே.
விண்ட மாமலர் மேலுறை வானொடுங்
கொண்டல் வண்ணனுங் கூடி அறிகிலா
அண்ட வாணன்றன் ஆரூர் அடிதொழப்
பண்டை வல்வினை நில்லா பறையுமே.
விண்ட வர்புர மூன்றும்வெண் ணீறெழக்
கண்ட வன்கடி தாகிய நஞ்சினை
உண்ட வன்னொளி யானநெய்த் தானனைத்
தொண்ட ராய்த்தொழு வார்சுடர் வாணரே.
விண்ட வர்புர மூன்று மெரிகொளத் 
திண்டி றற்சிலை யாலெரி செய்தவன் 
வண்டு பண்முர லுந்தண் வலஞ்சுழி 
அண்ட னுக்கடி மைத்திறத் தாவனே.
விண்ட மாமலர் கொண்டு விரைந்துநீர் 
அண்ட நாயகன் றன்னடி சூழ்மின்கள் 
பண்டு நீர்செய்த பாவம் பறைந்திடும் 
வண்டு சேர்பொழில் வான்மியூ ரீசனே.
விண்ட எனத்தொடங்கும் தேவாரம்