Senthamil.Org

எந்தை

தேவாரம்

எந்தை யென்றங் கிமையோர் புகுந்தீண்டிக் 
கந்த மாலை கொடுசேர் காழியார் 
வெந்த நீற்றர் விமல ரவர்போலாம் 
அந்தி நட்டம் ஆடும் அடிகளே.
எந்தை யிரும்புஜளை யிடங்கொண்ட ஈசன்
சந்தம் பயில்சண்பை யுண்ஞான சம்பந்தன்
செந்தண் தமிழ்செப் பியபத் திவைவல்லார்
பந்தம் மறுத்தோங் குவர்பான் மையினாலே.
எந்தை யிவனென் றிரவி முதலா இறைஞ்சுவார் 
சிந்தை யுள்ளே கோயி லாகத் திகழ்வானை 
மந்தி யேறி யினமா மலர்கள் பலகொண்டு 
முந்தித் தொழுது வணங்குங் கோயில் முதுகுன்றே.
எந்தை ஈசனெம் பெருமான் 
ஏறமர் கடவுளென் றேத்திச் 
சிந்தை செய்பவர்க் கல்லால் 
சென்றுகை கூடுவ தன்றாற் 
கந்த மாமல ருந்திக் 
கடும்புனல் நிவாமல்கு கரைமேல் 
அந்தண் சோலைநெல் வாயில் 
அரத்துறை யடிகள்தம் அருளே.
எந்தை யெம்பிரான் என்றவர் மேல்மனம் 
எந்தை யெம்பிரான் என்றிறைஞ் சித்தொழு 
தெந்தை யெம்பிரான் என்றடி யேத்துவார் 
எந்தை யெம்பிரான் என்றடி சேர்வரே.
எந்தை யேயெம் பிரானே யெனவுள்கிச் 
சிந்திப் பாரவர் தீவினை தீருமால் 
வெந்த நீறுமெய் புஜசிய வேதியன் 
அந்த மாவளப் பாரடைந் தார்களே.
எந்தை யைஎந்தை தந்தை பிரானை 
 ஏத மாயஇடர் தீர்க்கவல் லானை 
முந்தி யாகிய மூவரின் மிக்க 
 மூர்த்தி யைமுதற் காண்பரி யானைக் 
கந்தின் மிக்ககரி யின்மருப் போடு 
 கார கில்கவ ரிம்மயிர் மண்ணி 
வந்து வந்திழி வாழ்கொளி புத்தூர் 
 மாணிக்கத் தைமறந் தென்நினைக் கேனே.
எந்தை இருப்பதும் ஆரூர்அவர் 
 எம்மையும் ஆள்வரோ என்று 
சிந்தை செயுந்திறம் வல்லான் 
 திருமரு வுந்திரள் தோளான் 
மந்த முழவம் இயம்பும் 
 வளவயல் நாவலா ரூரன் 
சந்தம் இசையொடும் வல்லார் 
 தாம்புகழ் எய்துவார் தாமே.
எந்தை எனத்தொடங்கும் தேவாரம்