Senthamil.Org

வண்ண

தேவாரம்

வண்ண மலரானும் வையம் அளந்தானும் 
நண்ண லரியானை நல்லூர்ப் பெருமானைத் 
தண்ண மலர்தூவித் தாள்கள் தொழுதேத்த 
எண்ணும் அடியார்கட் கில்லை யிடுக்கணே.
வண்ண மால்வரை தன்னை மறித்திட லுற்றவல் லரக்கன் 
கண்ணுந் தோளுநல் வாயும் நெரிதரக் கால்விர லூன்றிப் 
பண்ணின் பாடல்கைந் நரம்பாற் பாடிய பாடலைக் கேட்டு 
அண்ண லாயருள் செய்த அடிகளுக் கிடம்அர சிலியே.
வண்ண மாக முறுக்கிய வாசிகை
திண்ண மாகத் திருச்சடைச் சேர்த்தியே
பண்ணு மாகவே பாடும் பழனத்தான்
எண்ணும் நீரவன் ஆயிர நாமமே.
வண்ண மும்வடி வுஞ்சென்று கண்டிலள்
எண்ணி நாமங்க ளேத்தி நிறைந்திலள்
கண்ணு லாம்பொழில் சூழ்கழிப் பாலையெம்
அண்ண லேயறி வானிவள் தன்மையே.
வண்ண எனத்தொடங்கும் தேவாரம்