Senthamil.Org

வடிவுடை

தேவாரம்

வடிவுடை மலைமகள் சலமக ளுடனமர் 
பொடிபடும் உழையதள் பொலிதிரு வுருவினன் 
செடிபடு பலிதிரி சிவனுறை சிவபுரம் 
அடைதரும் அடியவர் அருவினை யிலரே.
வடிவுடை வாட்டடங்கண் ணுமையஞ்சவோர் வாரணத்தைப் 
பொடியணி மேனிமூட வுரிகொண்டவன் புன்சடையான் 
கொடிநெடு மாடமோங்குங் குழகன்குட மூக்கிடமா 
இடிபடு வானமேத்த இருந்தானவன் எம்மிறையே.
வடிவுடை வாணெடுங் கண்ணுமை 
யாளையோர் பால்மகிழ்ந்து 
வெடிகொள் அரவொடு வேங்கை 
அதள்கொண்டு மேல்மருவிப் 
பொடிகொ ளகலத்துப் பொன்பிதிர்ந் 
தன்னபைங் கொன்றையந்தார் 
அடிகள் அடிநிழற் கீழதன் 
றோவென்றன் ஆருயிரே.
வடிவுடை மாமலை மங்கைபங் 
காகங்கை வார்சடையாய் 
கடிகமழ் சோலை சுலவு 
கடல்நாகைக் காரோணனே 
பிடிமத வாரணம் பேணுந் 
துரகநிற் கப்பெரிய 
இடிகுரல் வெள்ளெரு தேறுமி 
தென்னைகொல் எம்மிறையே.
வடிவுடை மழுவேந்தி மதகரி உரிபோர்த்துப்
பொடியணி திருமேனிப் புரிகுழல் உமையோடுங்
கொடியணி நெடுமாடக் கூடலை யாற்று{ரில்
அடிகளிவ் வழிபோந்த அதிசயம் அறியேனே.
வடிவுடை எனத்தொடங்கும் தேவாரம்