Senthamil.Org

வடிகொள்

தேவாரம்

வடிகொள் பொழிலில் மிழலை வரிவண் டிசைசெய்யக்
கடிகொள் போதிற் றென்றல் அணையுங் கலிக்காழி
முடிகொள் சடையாய் முதல்வா வென்று முயன்றேத்தி
அடிகை தொழுவார்க் கில்லை அல்லல் அவலமே.
வடிகொள் மேனியர் வானமா மதியினர் 
நதியினர் மதுவார்ந்த 
கடிகொள் கொன்றையஞ் சடையினர் கொடியினர் 
உடைபுலி யதளார்ப்பர் 
விடைய தேறும்எம் மானமர்ந் தினிதுறை 
விற்குடி வீரட்டம் 
அடிய ராகிநின் றேத்தவல் லார்தமை 
அருவினை யடையாவே.
வடிகொள் வெண்மழு மானமர் கைகளும் 
பொடிகொள் செம்பவ ளம்புரை மேனியும் 
நடிகொள் நன்மயில் சேர்திரு நாரையூர் 
அடிகள் தம்வடி வம்ம அழகிதே.
வடிகொள் கண்ணிணை மடந்தையர் தம்பால் 
 மயல துற்றுவஞ் சனைக்கிட மாகி 
முடியு மாகரு தேலெரு தேறும் 
 மூர்த்தி யைமுத லாயபி ரானை 
அடிகள் என்றடி யார்தொழு தேத்தும் 
 அப்பன் ஒப்பிலா முலைஉமை கோனைச் 
செடிகொள் கான்மலி திருத்தினை நகருட் 
 சிவக்கொ ழுந்தினைச் சென்றடை மனனே.
வடிகொள் எனத்தொடங்கும் தேவாரம்