Senthamil.Org

மலையான்மகள்

தேவாரம்

மலையான்மகள் அஞ்சவ்வரை எடுத்தவ்வலி யரக்கன் 
தலைதோளவை நெரியச்சரண் உகிர்வைத்தவன் தன்னுர் 
கலையாறொடு சுருதித்தொகை கற்றோர்மிகு கூட்டம் 
விலையாயின சொற்றேர்தரு வேணுபுர மதுவே.
மலையான்மகள் கணவன்மலி கடல்சூழ்தரு தன்மைப் 
புலையாயின களைவானிடம் பொழில்சூழ்புள மங்கைக் 
கலையால்மலி மறையோரவர் கருதித்தொழு தேத்த 
அலையார்புனல் வருகாவிரி ஆலந்துறை அதுவே.
மலையான்மகள் மடமாதிட மாகத்தவள் மற்றுக்
கொலையானையின் உரிபோர்த்தவெம் பெருமான்றிருச் சுழியல்
அலையார்சடை யுடையானடி தொழுவார்பழு துள்ளம்
நிலையார்திகழ் புகழால்நெடு வானத்துயர் வாரே.
மலையான்மகள் எனத்தொடங்கும் தேவாரம்