Senthamil.Org

நலமலி

தேவாரம்

நலமலி தருமறை மொழியொடு 
நதியுறு புனல்புகை ஒளிமுதல் 
மலரவை கொடுவழி படுதிறன் 
மறையவ னுயிரது கொளவரு 
சலமலி தருமற லிதனுயிர் 
கெடவுதை செய்தவர னுறைபதி 
(மூ)திலகமி தெனவுல குகள்புகழ் 
தருபொழி லணிதிரு மிழலையே. 
(மூ) திலதமிதென என்றும் பாடம்.
நலமலி கொள்கையார் நான்மறை பாடலார் 
வலமலி மழுவினார் மகிழுமூர் வண்டறை 
மலர்மலி சலமொடு வந்திழி காவிரி 
சலசல மணிகொழி சக்கரப் பள்ளியே.
நலமலி மங்கைநங்கை விளையாடி யோடி 
நயனத் தலங்கள் கரமா 
உலகினை ஏழுமுற்றும் இருள்மூட மூட 
இருளோட நெற்றி ஒருகண் 
அலர்தர அஞ்சிமற்றை நயனங்கை விட்டு 
மடவாள் இறைஞ்ச மதிபோல் 
அலர்தரு சோதிபோல அலர்வித்த முக்கண் 
அவனா நமக்கோர் சரணே.
நலமலி எனத்தொடங்கும் தேவாரம்