Senthamil.Org

நம்பனே

தேவாரம்

நம்பனே எங்கள் கோவே 
நாதனே ஆதி மூர்த்தி 
பங்கனே பரம யோகி 
என்றென்றே பரவி நாளுஞ் 
செம்பொனே பவளக் குன்றே 
திகழ்மலர்ப் பாதங் காண்பான் 
அன்பனே அலந்து போனேன் 
அதிகைவீ ரட்ட னாரே.
நம்பனே நான்மு கத்தாய் 
நாதனே ஞான மூர்த்தி 
என்பொனே ஈசா என்றென் 
றேத்திநான் ஏசற் றென்றும் 
பின்பினே திரிந்து நாயேன் 
பேர்த்தினிப் பிறவா வண்ணம் 
அன்பனே ஆலவாயில் அப்பனே 
அருள் செயாயே.
நம்பனே நான்மறைக ளாயி னானே நடமாட வல்லானே ஞானக் கூத்தா கம்பனே கச்சிமா நகரு ளானே கடிமதில்கள் மூன்றினையும் பொடியா வெய்த அம்பனே அளவிலாப் பெருமை யானே அடியார்கட் காரமுதே ஆனேறேறுஞ் செம்பொனே திருச்சோற்றுத் துறையு ளானே திகழொளியே சிவனேயுன் னபயம் நானே.
நம்பனே அன்று வெண்ணெய்நல் லூரில் 
 நாயினேன் தன்னையாட் கொண்ட 
சம்புவே உம்ப ரார்தொழு தேத்துந் 
 தடங்கடல் நஞ்சுண்ட கண்டா 
செம்பொன்மா ளிகைசூழ் திருமுல்லை வாயில் 
 தேடியான் திரிதர்வேன் கண்ட 
பைம்பொனே அடியேன் படுதுயர் களையாய் 
 பாசுப தாபரஞ் சுடரே.
நம்பனே எனத்தொடங்கும் தேவாரம்