Senthamil.Org

தொண்டனேன்

தேவாரம்

தொண்டனேன் பிறந்து வாளா 
தொல்வினைக் குழியில் வீழ்ந்து 
பிண்டமே சுமந்து நைந்து 
பேர்வதோர் வழியுங் காணேன் 
அண்டனே அண்ட வாணா 
அறிவனே அஞ்ச லென்னாய் 
தெண்டிரைப் பழனஞ் சூழ்ந்த 
திருக்கொண்டீச் சரத்து ளானே.
தொண்டனேன் பட்ட தென்னே 
தூயகா விரியின் நன்னீர் 
கொண்டிருக் கோதி யாட்டிக் 
குங்குமக் குழம்பு சாத்தி 
இண்டைகொண் டேற நோக்கி 
ஈசனை எம்பி ரானைக் 
கண்டனைக் கண்டி ராதே 
காலத்தைக் கழித்த வாறே.
தொண்டனேன் பிறந்து வாளா 
தொல்வினைக் குழியில் வீழ்ந்து 
பிண்டமே சுமந்து நாளும் 
பெரியதோர் அவாவிற் பட்டேன் 
அண்டனே அமரர் கோவே 
அறிவனே அஞ்ச லென்னாய் 
தெண்டிரைக் கங்கை சூடுந் 
திகழ்தரு சடையி னானே.
தொண்டனேன் எனத்தொடங்கும் தேவாரம்