Senthamil.Org

தேனை

தேவாரம்

தேனை வென்ற மொழியா ளொருபாகங் 
கான மான்கைக் கொண்ட காழியார் 
வான மோங்கு கோயி லவர்போலாம் 
ஆன இன்பம் ஆடும் அடிகளே.
தேனை யேறுநறு மாமலர் கொண்டடி சேர்த்துவீர்
ஆனை யேறுமணி சாரல் அனேகதங் காவதம்
வானை யேறுநெறி சென்றுண ருந்தனை வல்லிரேல்
ஆனை யேறுமுடி யானருள் செய்வதும் வானையே.
தேனை வென்றசொல் லாளொடு செல்வமும் 
ஊனை விட்டுயிர் போவதன் முன்னமே 
கான வேடர் கருதுங்காட் டுப்பள்ளி 
ஞான நாயக னைச்சென்று நண்ணுமே.
தேனை ஆடிய கொன்றையி னானைத் 
 தேவர் கைதொழுந் தேவர் பிரானை 
ஊனம் ஆயின தீர்க்க வல்லானை 
 ஒற்றை ஏற்றனை நெற்றிக்கண் ணானைக் 
கான ஆனையின் கொம்பினைப் பீழ்ந்த 
 கள்ளப் பிள்ளைக்குங் காண்பரி தாய 
வான நாடனை வாழ்கொளி புத்தூர் 
 மாணிக்கத் தைமறந் தென்நினைக் கேனே.
தேனை எனத்தொடங்கும் தேவாரம்