Senthamil.Org

திருவின்

தேவாரம்

திருவின் நாயக னுஞ்செழுந் தாமரை 
மருவி னானுந் தொழத்தழல் மாண்பமர் 
உருவி னானுறை யும்மழ பாடியைப் 
பரவி னார்வினைப் பற்றறுப் பார்களே.
திருவின் நாயகன் செம்மலர் மேலயன்
வெருவ நீண்ட விளங்கொளிச் சோதியான்
ஒருவ னாயுணர் வாயுணர் வல்லதோர்
கருவுள் நாயகன் கச்சி யேகம்பனே.
திருவின் நாதனுஞ் செம்மலர் மேலுறை 
உருவ னாயுல கத்தி னுயிர்க்கெலாங் 
கருவ னாகி முளைத்தவன் கானுரிற் 
பரம னாய பரஞ்சுடர் காண்மினே.
திருவின் நாயகன் ஆகிய மாலுக் 
 கருள்கள் செய்திடும் தேவர் பிரானை 
உருவி னானைஒன் றாவறி வொண்ணா 
 மூர்த்தி யைவிச யற்கருள் செய்வான் 
செருவில் ஏந்தியோர் கேழற்பின் சென்று 
 செங்கண் வேடனாய் என்னொடும் வந்து 
மருவி னான்றனை வாழ்கொளி புத்தூர் 
 மாணிக்கத் தைமறந் தென்நினைக் கேனே.
திருவின் எனத்தொடங்கும் தேவாரம்