Senthamil.Org

திங்கள்

தேவாரம்

திங்கள் மதிக்கண்ணி யானைத் 
தேமொழி யாளொடும் பாடி 
எங்கருள் நல்குங்கொ லெந்தை 
எனக்கினி யென்னா வருவேன் 
அங்கிள மங்கைய ராடும் 
ஐயா ரடைகின்ற போது 
பைங்கிளி பேடையொ டாடிப் 
பறந்து வருவன கண்டேன் 
கண்டே னவர்திருப் பாதங் 
கண்டறி யாதன கண்டேன்.
திங்கள் தங்கிய செஞ்சடை மேலுமோர்
மங்கை தங்கும் மணாளன் இருப்பிடம்
பொங்கு சேர்மணற் புன்னையும் ஞாழலுந்
தெங்கு சேர்கடம் புஜர்க்கரக் கோயிலே.
திங்கள் தங்கு சடைக்கண் மேலோர் 
திரைகள் வந்து புரள வீசுங் 
கங்கை யாளேல் வாய்தி றவாள் 
கணப தியேல் வயிறு தாரி 
அங்கை வேலோன் குமரன் பிள்ளை 
தேவி யார்கொற் றட்டி யாளால் 
உங்க ளுக்காட் செய்ய மாட்டோ ம் 
ஓண காந்தன் றளியு ளீரே.
திங்கள் தங்கிய சடையுடை யானைத்
 தேவ தேவனைச் செழுங்கடல் வளருஞ் 
சங்க வெண்குழைக் காதுடை யானைச் 
 சாம வேதம் பெரிதுகப் பானை 
மங்கை நங்கை மலைமகள் கண்டு 
 மருவி ஏத்தி வழிபடப் பெற்ற 
கங்கை யாளனைக் கம்பனெம் மானைக் 
 காணக் கண்அடி யேன்பெற்ற வாறே.
திங்கள் நம்பிமுடி மேலடி யார்பால் 
 சிறந்தநம் பிபிறந் தஉயிர்க் கெல்லாம் 
அங்கண் நம்பியருள் மால்விசும் பாளும் 
 அமரர் நம்பிகும ரன்முதல் தேவர் 
தங்கள் நம்பிதவத் துக்கொரு நம்பி 
 தாதை என்றுன் சரண்பணிந் தேத்தும் 
எங்கள் நம்பிஎன்னை ஆளுடை நம்பி 
 எழுபிறப் பும்எங்கள் நம்பிகண் டாயே.
திங்கள் எனத்தொடங்கும் தேவாரம்