Senthamil.Org

செந்துவர்

தேவாரம்

செந்துவர் ஆடையினார் உடைவிட்டு நின்றுழல்வார் சொன்ன 
இந்திர ஞாலமொழிந் தின்புற வேண்டுதிரேல் 
அந்தர மூவெயிலு மரணம் எரியூட்டி ஆரூர்த் 
தந்திர மாவுடையான் அவனெந் தலைமையனே.
செந்துவர் வாயாள் சேலன கண்ணாள் சிவன்திரு நீற்றினை வளர்க்கும்
பந்தணை விரலாள் பாண்டிமா தேவி பணிசெயப் பாரிடை நிலவுஞ்
சந்தமார் தரளம் பாம்புநீர் மத்தந் தண்ணெருக் கம்மலர் வன்னி
அந்திவான் மதிசேர் சடைமுடி யண்ணல் ஆலவா யாவதும் இதுவே.
செந்துவர் வாயார் செல்வன் சேவடி சிந்திப்பார் 
மைந்தர்க ளோடு மங்கையர் கூடிம யங்குவார் 
இந்திர னாதி வானவர் சித்தர் எடுத்தேத்தும் 
அந்திரன் ஆரூர் ஆதிரை நாளால் அதுவண்ணம்.
செந்துவர் வாய்க்கருங் கண்ணிணை 
வெண்ணகைத் தேமொழியார் 
வந்து வலஞ்செய்து மாநட 
மாட மலிந்தசெல்வக் 
கந்த மலிபொழில் சூழ்கடல் 
நாகைக்கா ரோணமென்றுஞ் 
சிந்தைசெய் வாரைப் பிரியா 
திருக்குந் திருமங்கையே.
செந்துவர் எனத்தொடங்கும் தேவாரம்