Senthamil.Org

செங்கண்

தேவாரம்

செங்கண் மாலொடு நான்முகன் தேடியுந் 
திருவடி யறியாமை 
எங்கு மாரெரி யாகிய இறைவனை 
யறைபுனல் முடியார்ந்த 
வெங்கண் மால்வரைக் கரியுரித் துகந்தவன் 
விற்குடி வீரட்டந் 
தங்கை யாற்றொழு தேத்தவல் லாரவர் 
தவமல்கு குணத்தாரே.
செங்கண் வெள்விடை யாய்திரு ஆலவாய் 
அங்க ணாவஞ்ச லென்றருள் செய்யெனைக் 
கங்கு லார்அமண் கையரிடுங் கனல் 
பங்க மில்தென்னன் பாண்டியற் காகவே.
செங்கண் நாகம் அரையது தீத்திரள்
அங்கை யேந்திநின் றார்எரி யாடுவர்
கங்கை வார்சடை மேலிடங் கொண்டவர்
மங்கை பாகம்வைத் தார்வன்னி யூரரே.
செங்கண் மால்விடை யேறிய செல்வனார் 
பைங்க ணானையின் ஈருரி போர்த்தவர் 
அங்கண் ஞாலம தாகிய வீரட்டங் 
கங்கு லாகவென் கண்டுயில் கொள்ளுமே.
செங்கண் மால்பிர மற்கு மறிவொணா 
அங்கி யின்னுரு வாகி அழல்வதோர் 
பொங்க ரவனைப் புள்ளிருக் குவே@ர் 
மங்கை பாகனை வாழ்த்த வருமின்பே.
செங்கண் எனத்தொடங்கும் தேவாரம்