Senthamil.Org

குற்ற

தேவாரம்

குற்ற மறுத்தார் குணத்தினுள்ளார் 
கும்பிடு வார்தமக் கன்புசெய்வார் 
ஒற்றை விடையினர் நெற்றிக்கண்ணார் 
உறைபதி யாகுஞ் செறிகொள்மாடஞ் 
சுற்றிய வாசலின் மாதர்விழாச் 
சொற்கவி பாடநி தானம்நல்கப் 
பற்றிய கையினர் வாழும்ஆவுஜர்ப் 
பசுபதி யீச்சரம் பாடுநாவே.
குற்ற முடைய அமணர் 
திறமது கையகன்றிட் 
டுற்ற கருமஞ்செய் துய்யப்போந் 
தேனுக்கும் உண்டுகொலோ 
மற்பொலி தோளான் இராவணன் 
றன்வலி வாட்டுவித்த 
பொற்கழ லானடித் தொண்டர்க்குத் 
தொண்டராம் புண்ணியமே.
குற்ற மில்லியைக் கோலச் சிலையினாற் 
செற்ற வர்புரஞ் செந்தழ லாக்கியைப் 
புற்ற ரவனைப் புள்ளிருக் குவே@ர் 
பற்ற வல்லவர் பாவம் பறையுமே.
குற்ற மொன்றடி யாரிலர் ஆனாற் 
 கூடு மாறத னைக்கொடுப் பானைக் 
கற்ற கல்வியி லும்மினி யானைக் 
 காணப் பேணும வர்க்கெளி யானை 
முற்ற அஞ்சுந் துறந்திருப் பானை 
 மூவ ரின்முத லாயவன் றன்னைச் 
சுற்று நீள்வயல் சூழ்திரு நீடூர்த் 
 தோன்ற லைப்பணி யாவிட லாமே.
குற்ற நம்பிகுறு காரெயில் மூன்றைக்
 குலைத்த நம்பிசிலை யாவரை கையிற் 
பற்று நம்பிபர மானந்த வெள்ளம் 
 பணிக்கும் நம்பிஎனப் பாடுத லல்லால் 
மற்று நம்பிஉனக் கென்செய வல்லேன் 
 மதியி லேன்படு வெந்துயர் எல்லாம் 
எற்று நம்பிஎன்னை ஆளுடை நம்பி 
 எழுபிறப் பும்எங்கள் நம்பிகண் டாயே.
குற்ற எனத்தொடங்கும் தேவாரம்