Senthamil.Org

ஆதி

தேவாரம்

ஆதி யாரந்த மாயி னார்வினை
கோதி யார்மதில் கூட்ட ழித்தவர்
நீதி யாரநெல் வாயி லார்மறை
ஓதி யாரெம துச்சி யாரே.
ஆதி யானண்ட வாணர்க் கருள்நல்கு
நீதி யானென்றும் நின்மல னேயென்றுஞ்
சோதி யானென்றுஞ் சோற்றுத் துறையர்க்கே
வாதி யாய்ப்பணி செய்மட நெஞ்சமே.
ஆதி நாதன் அமரர்க ளர்ச்சிதன் 
வேத நாவன்வெற் பின்மடப் பாவையோர் 
பாதி யானான் பரந்த பெரும்படைப் 
புஜத நாதன்தென் புஜவனுர் நாதனே.
ஆதி நாதன் அடல்விடை மேலமர் 
புஜத நாதன் புலியத ளாடையன் 
வேத நாதன் விசயமங் கையுளான் 
பாத மோதவல் லார்க்கில்லை பாவமே.
ஆதி யும்மர னாயயன் மாலுமாய்ப் 
பாதி பெண்ணுரு வாய பரமனென் 
றோதி யுள்குழைந் தேத்தவல் லாரவர் 
வாதை தீர்த்திடும் வான்மியூ ரீசனே.
ஆதி மாமலை அன்றெடுத் தானிற்றுச் 
சோதி யென்றலுந் தொல்லருள் செய்திடும் 
ஆதி யான்மரு கற்பெரு மான்றிறம் 
ஓதி வாழ்பவர் உம்பர்க்கும் உம்பரே.
ஆதி யானை அமரர் தொழப்படும் 
நீதி யானை நியம நெறிகளை 
ஓதி யானை உணர்தற் கரியதோர் 
சோதி யானைக்கண் டீர்தொழற் பாலதே.
ஆதி யாயவ னாரு மிலாதவன் 
போது சேர்புனை நீண்முடிப் புண்ணியன் 
பாதி பெண்ணுரு வாகிப் பரஞ்சுடர்ச் 
சோதி யுட்சோதி யாய்நின்ற சோதியே.
ஆதி எனத்தொடங்கும் தேவாரம்