Senthamil.Org

ஆடல்

தேவாரம்

ஆடல் அழல்நாக மரைக்கிட் டசைத்தாடப் 
பாடல் மறைவல்லான் படுதம்பலி பெயர்வான் 
மாட முகட்டின்மேல் மதிதோய் அதிகையுள் 
வேடம் பலவல்லா னாடும்வீரட் டானத்தே.
ஆடல் நாகம் அசைத்தள வில்லதோர் 
வேடங் கொண்டவன் வேற்காடு 
பாடி யும்பணிந் தாரிவ் வுலகினில் 
சேட ராகிய செல்வரே.
ஆடல் அரவசைத்தான் அருமாமறை தான்விரித்தான் கொன்றை 
சூடிய செஞ்சடையான் சுடுகாடமர்ந்த பிரான் 
ஏடவிழ் மாமலையாள் ஒருபாகம் அமர்ந்தடியார் ஏத்த 
ஆடிய எம்மிறையூர் புகலிப் பதியாமே.
ஆடல் அமர்ந்தானை ஆக்கூரில் தான்தோன்றி
மாடம் அமர்ந்தானை மாடஞ்சேர் தண்காழி
நாடற் கரியசீர் ஞானசம் பந்தன்சொல்
பாடலிவை வல்லார்க் கில்லையாம் பாவமே.
ஆடல் புரிந்த நிலையும் 
அரையில் அசைத்த அரவும் 
பாடல் பயின்ற பல்புஜதம் 
பல்லா யிரங்கொள் கருவி 
நாடற் கரியதோர் கூத்தும் 
நன்குயர் வீரட்டஞ் சூழ்ந்து 
ஓடுங் கெடிலப் புனலும் 
உடையா ரொருவர் தமர்நாம் 
அஞ்சுவ தியாதொன்று மில்லை 
அஞ்ச வருவது மில்லை.
ஆடல் மால்யானை யுரித்தான் கண்டாய்
அகத்தியான் பள்ளி யமர்ந்தான் கண்டாய்
கோடியான் கண்டாய் குழகன் கண்டாய்
குளிராரூர் கோயிலாக் கொண்டான் கண்டாய்
நாடிய நன்பொருள்க ளானான் கண்டாய்
நன்மையோ டிம்மைமற் றம்மை யெல்லாம்
வாடிய வாட்டந் தவிர்ப்பான் கண்டாய்
மறைக்காட் டுறையும் மணாளன் றானே.
ஆடல் எனத்தொடங்கும் தேவாரம்