Senthamil.Org

அறையார்

தேவாரம்

அறையார் புனலோ டகிலும் வருபொன்னிச் 
சிறையார் செம்பொன் பள்ளி மேவிய 
கறையார் கண்டத் தீசன் கழல்களை 
நிறையால் வணங்க நில்லா வினைகளே.
அறையார் கழல்மே லரவாட 
இறையார் பலிதேர்ந் தவனுராம் 
பொறையார் மிகுசீர் விழமல்கப் 
பறையா ரொலிசெய் பனையூரே.
அறையார் கழலும் மழல்வா யரவும்
பிறையார் சடையும் முடையாய் பெரிய
மறையார் மருகல் மகிழ்வா யிவளை
இறையார் வளைகொண் டெழில்வவ் வினையே.
அறையார் கழலன் னமலன் னியலிற்
பறையாழ் முழவும் மறைபா டநடங்
குறையா அழகன் குடவா யில்தனில்
நிறையார் பெருங்கோ யில்நிலா யவனே.
அறையார் கடல்சூழ் அந்தண் காழிச் சம்பந்தன் 
முறையால் முனிவர் வணங்குங் கோயில் முதுகுன்றைக் 
குறையாப் பனுவல் கூடிப் பாட வல்லார்கள் 
பிறையார் சடையெம் பெருமான் கழல்கள் பிரியாரே.
அறையார் எனத்தொடங்கும் தேவாரம்